- အလုပ်သမားအသုံးပြုခွင့်စနစ်
- 외국인노동자와 함께 하는 WORK IN KOREA
နိုင်ငံခြားလုပ်သား၏ အနေအထား
နိုင်ငံခြားလုပ်သား သတ်မှတ်ချက်
နိုင်ငံခြားလုပ်သား”ဆိုသည်မှာ ကိုရီးယားနိုင်ငံသားမဟုတ်သော သူသည် ကိုရီးယားပြည်တွင်းရှိ စက်ရုံနှင့် လုပ်ငန်းတွင် လစာရရှိရန် ရည်ရွယ်ချက်ဖြင့် အလုပ်လုပ်နေသူ၊ အလုပ်လုပ်ရန်ပြင်ဆင်နေသူဖြစ်သည်။
နိုင်ငံခြားလုပ်သား အသုံးပြုခွင့်ဥပဒေနှင့် သက်ဆိုင်သူသည် (E-9)နှင့် (H-2) ဗီဇာ ရရှိထားသော နိုင်ငံခြားသားလုပ်သားများဖြစ်သည်။
နိုင်ငံခြားလုပ်သား၏ ဉပဒေရေးဆိုင်ရာ
အခြေခံအလုပ်သမားဥပဒေ သတ်မှတ်ချက်
- တရားဝင် နေထိုင်ခွင့် ရှိခြင်းမရှိခြင်းနှင့် မသက်ဆိုင်ဘဲ အခြေခံအလုပ်သမား ဥပဒေနှင့် လုပ်ငန်းဆိုင်ရာဥပဒေများကို ကိုရီးယားနိုင်ငံသားများနှင့် တန်းတူသတ်မှတ်ထားသည်
(ဥပမာ) တရားမဝင်နေထိုင်သူလည်း လစာမရပါက တိုင်ကြားနိုင်ပြီး၊ လုပ်ငန်းခွင်ထိခိုက်မှု အာမခံလည်း ရရှိနိုင်။
- သို့သော် စိုက်ပျိုးမွေးမြူရေး၊ ရေလုပ်ငန်းနှင့် အချိန်ပြည့်လုပ်သား 4ယောက်အောက် လုပ်ငန်းခွင်များတွင် အခြခံအလုပ်သမားဥပဒေ၏ တစိတ်တပိုင်းသာ ခံစားခွင့်ရှိသည်။(ကိုရီးယား၊ နိုင်ငံခြားသား ခွဲခြားခြင်းမရှိ)
ကိုရီးယားလုပ်သားများနှင့် ခွဲခြားဆက်ဆံခြင်းကို တားမြစ်
- အလုပ်ရှင်သည် နိုင်ငံခြားလုပ်သားဆိုသော အကြောင်းပြချက်ဖြင့် ခွဲခြားဆက်ဆံခြင်း မလုပ်ရပါ။
နိုင်ငံခြားလုပ်သား၏ တရားဝင်ခြင်း မဝင်ခြင်းနှင့် မသက်ဆိုင်ဘဲ ခွဲခြားဆက်ဆံခြင်းကို တားမြစ်သည်။
- သို့သော် အရည်အချင်းနှင့် အလုပ်လုပ်နိုင်စွမ်းပေါ်မူတည်ပြီး ကျိုးကြောင်းသင့်တင့်စွာ ခွဲခြားဆက်ဆံနိုင်ခွင့် ရှိသည်။
အလုပ်လုပ်ခွင့်ကာလ(နိုင်ငံခြားလုပ်သား အသုံးပြုခွင့်ဥပဒေ ပုဒ်မ18နှင့် ပုဒ်မ18အပိုင်း2)
- နိုင်ငံခြားသားလုပ်သားသည် ကိုရီးယားစရောက်သည့်နေ့မှစပြီး သုံးနှစ်အတွင်း အလုပ်လုပ်ခွင့်ရှိသည်(နိုင်ငံခြားလုပ်သား အသုံးပြုခွင့်ဥပဒေ ပုဒ်မ18)
- သို့သော် အလုပ်လုပ်ခွင့်ကာလ ပြီးဆုံးသွားသော နိုင်ငံခြားသားလုပ်သားအား 2နှစ်အောက်ကာလဖြစ်သော (1နှစ်10လ) အား အလုပ်လုပ်ခွင့်သက်တမ်း တစ်ကြိမ်တိုးနိုင်သည်။ (နိုင်ငံခြားလုပ်သား အသုံးပြုခွင့်ဥပဒေ ပုဒ်မ18အပိုင်း2)
- အလုပ်လုပ်ခွင့်ကာလ 3နှစ်ကုန်ဆုံးပြီး နိုင်ငံသို့မထွက်ခွာမီ အလုပ်ရှင်မှ အလုပ်သမားဝန်ကြီးထံ ထပ်မံအလုပ်လုပ်ခွင့်တောင်းပြီး သက်တမ်းတိုးထားသော လုပ်သား
ပြန်လည်ဝင်ရောက်ခြင်းစနစ်
- သက်တမ်းတိုး (3နှစ်+1နှစ် 10လ) ကာလအတွင်း မိမိသဘောဖြင့် နိုင်ငံမှထွက်ခွာသော နိုင်ငံခြားသားလုပ်သားများထဲမှ သတ်မှတ်ချက်နှင့် ကိုက်ညီသောသူသည် ပြန်လည်ဝင်ရောက်ပြီး အလုပ်လုပ်နိုင်သော ‘ပြန်လည်ဝင်ရောက်ခြင်း စနစ်’ ကျင့်သုံး
အာမခံကြီး 4ခု သတ်မှတ်ခြင်း
- လုပ်ငန်းခွင်ထိခိုက်မှုအာမခံ(မဖြစ်မနေသွင်းရန်), ကျန်းမာရေးအာမခံ (မဖြစ်မနေသွင်းရန်), ပြည်သူ့ပင်စင်အာမခံ (နိုင်ငံချင်းအပြန်အလှန်ကျင့်သုံး), အလုပ်အကိုင်အာမခံ(မိမိသဘောဖြင့်သွင်းရန်)တို့ သတ်မှတ်
- သက်ကြီးစောင့်ရှောက်မှုအာမခံအား နိုင်ငံခြားသားလုပ်သားမှ လျှောက်လွှာတင်ပါက အာမခံသွင်းခြင်းမှ ဖယ်ထုတ်နိုင်သည်။
နိုင်ငံခြားလုပ်သား သီးသန့်အာမခံ ဆောင်ရွက်ပေးခြင်း
- နိုင်ငံခြားလုပ်သားများ၏ အကျိုးအတွက် လုပ်သက်ခံစားခွင့်အာမခံ၊ အပြန်စရိတ်အာမခံ၊ လစာမရခြင်းအတွက် အာမခံ၊ ပြင်ပထိခိုက်မှုအာမခံ သတ်မှတ်ထားသည်။ (မဖြစ်မနေသွင်းရန်))